Kreu i KMSH H.Bujar Spahiu takon Papa Françeskun: në qendër, bashkëjetesa paqësore ndërmjet feve

Bashkëjetesa paqësore ndërmjet feve, në audiencën e Papa Françeskut me Haxhi Bujar Spahiun, sot paradite. Në qendër të bisedës, edhe marrëdhëniet ndërmjet shtetit e feve dhe kontributi i tyre në ruajtjen e vlerave njerëzore, sidomos në mbrojtjen e familjes si qelizë themelore e shoqërisë.

Në qendër të bisedës, edhe marrëdhëniet ndërmjet shtetit e feve dhe kontributi i tyre në ruajtjen e vlerave njerëzore, sidomos në mbrojtjen e familjes si qelizë themelore e shoqërisë. U përmend Dokumenti i Abu Dabit mbi vëllazërimin njerëzor, që Myftiu, Haxhi Spahiu, siç i tha Atit të Shenjtë, e promovon dhe e përhap kudo në Shqipëri.

Më pas, kreu i myslimanëve të Shqipërisë u takua me Sekretarin vatikanas për Marrëdhëniet me Shtetet, imzot Paul Richard Gallagher dhe me Kryetarin e Këshillit Papnor për Dialogun Ndërfetar, kardinalin Miguel Ángel Ayuso Guixot. Në përfundim të takimeve, kryeredaktori i redaksisë shqipe në Radio Vatikan, don David Xhuxha, i drejtoi mikrofonin Haxhi Bujar Spahiut, duke i kërkuar të tregojë përshtypjet e tij pas takimit me Papën. Ta dëgjojmë…

Dëgjo intervistën me haxhi Bujar Spahiun...